مطعم بيت عبير احد افضل المطاعم اللبنانية التي افتتحت حديثا في الكويت حيث يقدم العديد من الماكولات المتنوعة والشهية مثل الترويقة والفطاير والشوربة والسلطة المازة والباردة والمازنة الساخنة والاطباق الرئيسية والحلويات والعصائر الطازجة والمشروبات الساخنة منها القهوة وغيره ...
اوقات العمل:
- يوميا من الساعة 8:30 صباحا وحتى الساعة 10:30 مساء
رقم الهاتف:
- 90993505
عنوان مطعم بيت عبير:
- يمكنكم الاطلاع على عنوان مطعم بيت عبير عبر الضغط هـــنـــا
منيو مطعم بيت عبير
 |
| منيو مطعم بيت عبير |
 |
| منيو مطعم بيت عبير |
بعض الاراء عن مطعم بيت عبير تم نقلها من انستقرام:
(fahadtrips@)
اهليين 👏 تغطية اليوم في مطعم بيت عبير ، موجود في مجمع دارة في منطقة أبو الحصانية.
يعتبر من المطاعم اللبنانية وجربت عندهم الترويقه (الريوق) وكان متنوع وراهي وحلوو نفس ما تشوفون في البوست ، الحساب حق شخصين كان 12.500. 😍👍
عندهم قعدات داخلية مرتبه و فيه عندهم أكثر من قعده خارجية (اللي نفس الحديقة تكون جهة المطعم الثانية ، مكيفة بس ماتقدرون تقعدون فيها اذا كان الجو وايد حار ، يعني بليل او المغربيه ممكن او لما يتعدل الجو، بس حق تصوير 🔥)
⇔⇔⇔⇔⇔⇔⇔⇔⇔⇔⇔
(montaha.almheed@)
بيت عبير الاطلاله روعه مريح المكان يشرح الصدر القعده الخارجيه حيل عجبتني 😍😍
⇔⇔⇔⇔⇔⇔⇔⇔⇔⇔⇔
(joori_kuwait@)
مطعم لبناني في أبو الحصاني مول داره لما أشوف الصور أتحسب علي كارونا 🥰عندهم قعدات علي البحر مؤقت لما تتعدل الأمورإن شاءالله
⇔⇔⇔⇔⇔⇔⇔⇔⇔⇔⇔
(anfali_with_love@)
اليوم بعلمكم على مطعم جديد في منطقة ابو الحصاني الاكل لذيذ الاجواء عجيبه و الاجواء بشكل عام جميله و الموظفين ودودين ومبتسمين طووول الوقت 💚💚💚
المطعم موفر لكم كل شي من سجاده ثيل صناعي مظلات وطاوله وكوشيات وقنفات او قعدات ارضيه حسب المتوفر 😍
بما ان حظر وماتدرون اشلون تونسون عيالكم انصحكم تودونهم المطعم يلعبون بالبحر جدام عيونكم وانتوا تقعدون بالمطعم وتتغدون او تتريقون
للامانه الاسعار واااايد ممتازه والكميه راهيه والاكل لذيذ وصلنا حاااار وفريش
وحبيت ان الچاي يحطونه لكم في بطل يحفظ الحراره ويكفي ٤ اشخاص و تاخذونه لكم بعد👌😍
🟢Foul modammas 1.750 kd
🟢Omelette eggs 1.250 kd
🟢Cheese platter 1.250 kd
🟢Labnah 1.500 kd
🟢Patata harra 2.250 kd
🟢tea pot 2.250 kd
اشرايكم بهبة المطاعم اللي توفر خدمة الاكل عالبحر ؟؟
⇔⇔⇔⇔⇔⇔⇔⇔⇔⇔⇔
(eman_diaries@)
مطعم بيت عبير اللبناني
اجواء المطعم حلوة وقعدته الخارجية حلوة
جربت عندهم الريوق كل شي كان اوك ما عدا القيمر حسيته وايد خفيف والجبن اللي داخل الاوملت ما كان حلو
ازعجني صوت تطقطق المواعين والقلاصات داخل المطبخ ، انا ما تكلمت الا لان الصوت جدا عالي فاتمنى تكلمون الستاف واكون شاكرة لكم 🌺
الويترز كانو خدومين وحبوبين وياخذون راي الزباين بالاكل 🥰